Hiria Hirian ezagutuz

Hiria Hirian

Proiektua gauzatzeko azterketa ezberdinak egin ditugu, hauen konbinazioekin eskemak sortu eta emaitza lortzeko. Azterketa horiek, Gasteiz hiri mailan eta auzo mailan burutu dira; batetik, alde soziologikoa landuz eta bestetik, alde fisikoa. Azterketak landu ahala eskemak sortzen ibili gara eta aldi berean errealitatean dauzkagun adibideak eskuratzen saiatu gara, azkenik, lortutakoaren eta burutapenen uztartzearekin proiektua sortuz.

Sakontze lanetan, Gasteiz tontorrean kokatzen den landu beharreko eremuaren azterketara jo dugu, eremua inguratzen duten eraikinen forma eta erabilera ondo ezagutzeko. Beti ere paraleloki hiri eskalako azterketa eraman dugu, erlazio zuzena dutela ulertzen baitugu.

Azterketan oinarrituz ideiak lantzen hasi gara, gaur egun hutsik dagoen eremuari bizia emateko asmoz. Helburua espazio lanketa izan da eta espazio hori erabilia eta bizia izan dadin, elementu arkitektonikoez gain, hiritarrak izan ditugu une oro gogoan. Horrela, eremuan bai hiri eskalari eta bai auzo eskalari erantzuna ematen dion proiektua gauzatu dugu, hiria hirian sortuz.

Espazio lanketarako Marrakech-en oinarritu gara eta sortu ditugun espazio eta bolumetriak giza eskalara egin ditugu, benetan biziak eta gozatuak izan daitezen. Eskultura ukiezina sortu beharrean espazio didaktikoa lortu nahi izan dugu non hiritarrek espazioa aztertu, erabili, bereganatu... dezaketen.

Sortutako espazioan hainbat eraikin kokatu ditugu, aldi berean bat osatzen dutenak. Programan, eskala txikiko denda multzoak, spa zentroa, antzokia, erakusketa eraikina, kafetegia, ikasgelak, liburutegia eta erabilera anitzetarako eraikina jarri ditugu. Guztiak eskala egokian eta leku estrategikoan kokatuak. Sortutakoak, zeudenekin nahasi eta tontor guztia osotasunean ulertzeko asmoarekin, erakinak harremanetan jarri ditugu.

Lur azpian -3 kota bat sortu dugu, bertan erakusketa eraikina agertzen da, 2 solairu baititu. Eta beheko solairu honi esker Chillida zentroaren biltegiarekin lurrazpiko harreman zuzena lortzen dugu.

Gainera ikasgela batek eskailerak ditu, eta hauen bidez Montehermoso kultu-etxearekin lur azpiko lotura sortzen dugu.

0 kotan, hau da, Gasteizko 544m alturan, gehiengo ekintzak kokatu ditugu, ikusi daiteke nola sortutako eraikin batzuk ia da zeuden batzuekin lotuak jarri ditugula. Eraikinen altuerak, oinean ikusi daitezkeen moduan 3, 4 eta 6m takoak dira aipatutako giza eskalari jarraikiz.

Hurrengo irudian, Chillida zentroaren biltegi gainean kokatu dugun kafetegia ikusi daiteke eta kafetegitik, landutako eremu guztia. Gainera ikasgela batetara, antzokira eta spa gainera ere jendea igo daiteke, eremuarekiko beste sentsazio batzuk lantzeko. Izan ere sentsazioena, jorratu dugun beste arlo bat izan da. Eremuan hiritik zehar sortzen diren sentsazioak islatzea izan da beste helburuetako bat, kale estuak, espazio irekiak, plaza, berdegunea, usaiak, jendea jardueretan ikusi ahal izatea....

Oin honetan, gainera, eremua estaltzeko jarri dugun lamina uler daiteke. Espazioa euritik babesteko, eskala gertu bat lortzeko eta argiztapenaren manipulazioa geureganatzeko kokatu dugu.

Eraikitze sistemari dagokionez, errez uler daiteke izan ere, hormigoizko karga-hormetan oinarritu baikara. Gainera egiturazko beira erabili dugu jarduerekiko gardentasunak sortzeko eta argiaren manipulazioekin jarraitzeko. Eraikin batzuek bere estalki propioa dute eta kasuan kasu gardenak edo opakoak dira. Estalki hamankomuna ere hormigoi armatuzkoa da eta beirazko hain bat zulotxo ditu oinean gertatzen denaren arabera tamaina bat edo beste hartzen dutenak.  

Estalki orokorrarekiko erlazioak azaltzen dira ondorengo irudian, izan ere erabileren arabera eraikin batzuk estalkiarekin lotuko dira eta beste batzuek beren estalki propioa izango dute. Estalki orokorrarekin lotzen diren eraikinak, estalkiaren zutabe moduan lan egingo dute karga zimenduetara garraiatuz.

Espazioaren bolumetria, erabilera eta eraikitze sistema sakonago ulertzeko  hemen ditugu ebaketa orokorrak eta xehatuak.

Emaitza, 3D irudiak 

Maketaren argazkiak

Entregatutako lamina:

HIRIA hiriaren barnean garatzen...

Aurreko sarreran esan genuen bezala, eskema proiektatzeko tresna izango da, eta hori dela medio, azken unerarte bertan islatuko ditugu izandako burutapen, esperimentu, azterketa... guztiak. Hau da eskemak une honetan duen itxura:

Marrakecheko hainbat oin eta eredu alboan izanda, gure orubearekin alderatu genituen probokazio baten bila. Zenbait forga egin ondoren, gure proiektuan aplikatuko diren faktore ezberdinak lortu genituen, beti ere sentsazio ezberdinak sortzeko asmoz. 

Eskemaren puntu horretara helduta, ideia nagusia zein den eta proiektuan nola azaltzen den aztertzeko garai zela jabetu ginen:

Guzti horrekin, proiektuak momentu honetan itxura hau du:

Oina:

Oinaren zein puntuk behar duten argiztapen gehiago:

Estalkia:

3D (amaitu gabe):

Helburua landutako eremuan hiriko sentsazioak biltzea izan da eta horretarako espazio ezberdinak planteatu ditugu, hala nola, plazak, bide estuak, patioak, parkeak, gune estaliak, gune irekiak.....

HIRIA hirian

Ikasturteko azken ariketan Gasteizko Alde Zaharrean diren hainbat zerbitzu gabeziei erantzuna emateko eraikina gauzatuko dugu. Auzo-mailako beharrak jasoko ditu, denetarikoak: kulturalak, aisialdikoak, kiroletakoak, hezkuntzakoak... Eraikinak auzoa eskalari eta aldi berean Gasteizeko hiri eskalari erantzungo dio. 

Emate honetarako mapa kontzeptual bat aurkeztu dugu, proiektua garatzen doan heinean osatzen joango dena. Tresna hau, hausnarketarako erabiltzeaz gain, gure proiektatze prozesua islatzeko ere erabili dugu.

1. 1_LEHEN BURUTAPENAK

Proposamenean eragina izan dezaketen hainbat kontzeptu papereratu ditugu, lehen eztabaida moduan. aztertutako faktore gehienetan hiriaren izaerak eragina izango duela ondorioztatu dugu beraz, hiriaren azterketara jo dugu.

1. 2_ GASTEIZEN AZTERKETA

Biztanleriari dagokionez dentsitatea eta adinen azterketa egin dugu programa zehazten hasteko. Oraindik haratago heltzeko, Gasteizen ageri diren ekipamenduei erreparatu diegu, bereziki aisialdi eta kultur, kirol, eta irakaskuntza ekipamenduak.

1. 3_ AZTERKETAREN ONDORIOAK

Dauden beharrak ikusi ondoren, programa proposatu dugu. Aldi berean, hiria bi eskalatan antolatzen dela ikusi eta ezaugarri hau geureganatu dugu. Horrela proiektatzeko orduan auzo eskalan eta hiri eskalan arituko gara.

Proposamena lantzen ari ginela, guzti honi sentsazioak gehitu behar genizkiola konturatu ginen. Izan ere, hiritik gabiltzanean, tokian tokiko sentsazioak suertatzen zaizkigu (kale ilunak, estuak, parkeak, haizea..) eta horiek gure proiektuaren parte izatea pentsatu genuen. 

1. 4_ORUBEAREN AZTERKETA

Proiektuaren kokapena ezagutzeko Gasteizko alde zaharreko ebaketa orokor batzuk egin ditugu, altuerak, kale zabalerak, formak... ulertzeko helburuarekin. Aldi berean inguru hurbileko eraikinak ere aztertu ditugu, harreman posibleak planteatzeko edo mugak sortzeko asmoarekin. 

HIRIA HIRIAREN BARNEAN

Proposamenaren krokisak marrazten ari ginela,  existitzen diren hiri batzuekin paralelismo bat zutela konturatu ginen. Ideiak garatzeko, Marrakech hiriko oin ezberdinak aztertu ditugu.