"Cantos Rodados"_Roquetas de Mar

Uda hasi bezain laster, Donostiako arkitektura estudio batek beraiekin lehiaketa batean parte hartzea proposatu ziguten eta berehala baietz esan genuen. Oraingoan erronka Roquetas de Mar izeneko Almeriako herrian, gaur egun oso egoera txarrean dagoen orube batean, herriarentzat hainbat ekipamenduz osatutako espazio publikoa diseinatzea zen. Ekipamenduen artean kirola egiteko pistak, taberna, liburutegia, gradak... zeuden. Eremuak zituen lotura, erabilera edo fluxuez gain, klima espazio publikoa diseinatzerakoan kontutan izan beharreko baldintza gogorra zen. Guztia kontutan izanik, argi eta itzalez, hutsune eta betez osatutako espazioa proposatu genuen, non beteak hutsuneak bezainbesteko garrantzia zuen. Hemen duzuen aurkeztutako panela:

EPAUS_ Espacio Público de Arte Urbano y Sonido

Bost hilabete igaro dira azken sarreratik eta bada garaia bloga eguneratzeko. EPAUS Proiektuak IV ikasgaian landutako kurtsoko azken ariketa izan zen. Klasean ariketa-lehiaketa deitu genion, izan ere, berez lehiaketa baten oinarriak bete behar genituen. Irakasleek jarritako baldintza nagusia proiektua Baionan kokatzea zen, eta hortik aurrera Opengap lehiaketa plataformak ezarritako arauak jarraitu behar genituen. 
Oinarrien informazio gehiago ikusi nahi baduzue hemen duzue linka: http://www.opengap.net/index.php?p=ficha_concurso_abierto&id=215

Lehenago esan bezala, proiektua Baionan kokatzea hasierako baldintza zen, baina guk bira eman genion eta hori bera ere arrazoitu genuen, alegia, zergatik Baionan? Zergatik harresiaren albo batean? Proiektuaren kokapena ondorengo informazio grafikoaz justifikatzen den azterketa baten ondorioa izan zen. 

Proiektuak eraikin bat izatea beharrezkoa ikusten genuen, baina proiektua eraikinaz gain, ibilbideak eta bertan ematen diren ekintzek osatzen dute. Hau harresian alboko katalizadorea izango litzateke, eta horrela harresiaren inguruan ekintza ezberdinak proposatuko lirateke. Ideia landu arren, proiektua ez genuen hiri osoaren eskalan garatu, guk aukeratutako orubearen eskalan baizik eta hau da bertan lortutako emaitza: 

Walltopia_Collider Activity Center

Oraingoan gelakide pare batekin eta Donostiako arkitektura estudio batekin lehiaketa baterako egindako lana aurkezten dizuet. Proiektua Bulgarian kokatzen da, Sofiako aldirietan hain zuzen ere. Nahiz eta orubeak baldintza gehiegi ez ezarri, Walltopiak (eskalada hormak diseinatzen dituen enpresa) diseinua garatzeko emandako jarraibideetan baldintza oso zorrotzak zeuden, bai azaleren aldetik, zein konexioei begira.

Proposatutako proiektuan, eskaladarekin harremana duten espazio guztiak bolumen neutro batean (kuboa) biltzen dira, gure asmoa ez baitzen espazio hori definitzea, hortan adituak beraiek baitira. Kuboaren inguruan gainontzeko espazioak bilduko lirateke, eraikinaren goiko taberna-terrazara heltzen den bidea osatuz. Aldi berean, kuboak programa publikoa eta pribatua bereiziko lituzke. Hemen duzue aurketutako panelak eta gainontzeko proposamenak kuxkuxeatzeko web orria: http://www.collider.eu/

Allées Bouflers

Proiketuak IV ikasgaian landutako azken aurreko ariketa da hau. Oraingoan ere Baionan kokatzen da, Adour ibaiaren alboan hain zuzen ere. Gaur egun aparkaleku erabilera du, eta asmoa, hiriaren gune hau berreskuratzea da, hau da, beste erabilera bat planteatzea eta nahi izanez gero ibaiarekin harremana estutzea.   

Aurkeztutako proposamenean, helburua eguneroko jarduerak jasotzen dituen espazioak sortzea da, baina, era berean, espazio horiek une bereziren batean ematen diren ekintzak jasotzeko gai izango dira. Horrez gain, ekintza berezi horiek sustatzeko, arkitektura efimeroa sortzeko behar diren pieza modulatuak biltzen dituen biltegi bat kokatuko dugu orubean. Proiektua nondik datorren ulertzeko eta diseinua ezagutzeko hemen duzue entregatutako material grafikoa:

Ariketa laburra

Kurtsoko hirugarren ariketa hasi aurretik proiektatzeko kontuan izaten diren faktore edo elementuei buruzko ikerketa/hausnarketa ariketa proposatu ziguten. Hiru hitz multzotatik hitz bana aukeratu behar genuen eta bide hori jorratu. Egia esan, gure taldean oso zaila iruditu zitzaigun soilik hiru hitz aukeratzea, hori dela eta, hitz guztiekin ondorio orokor bat lortzen saiatu ginen. Hemen duzue landutako bidea:

Kurtsoko bigarren ariketa_ Hotel de la monnaie

Ariketa hau gabonak baino lehenago eman genuen baina blogean zintzilikatzea egoki ikusten dudanez, jarraian landu beharreko eremuaren eta programaren deskribapen txiki bat egin, eta aurkeztutako proposamena azalduko dut, nagusiki irudien bidez.

EKIPAMENDU KULTURALA ETA ERRESIDENTZIALA HOTEL DE LA MONNAIE-N

Bigarren ariketa honetarako Baionan kokatzen den 70x50 metroko orube lauki-luze baten aritu ginen.
Ipar-hegoalde norabide duten bi kale aldapatsuen artean kokatua dago eta bi mehelin ekimendebalderantz. Historikoki, orube hau eraikin eta erabilera ezberdinek okupatu izan dute. Eremuan aurrexistentziek eta inguruak duten presentzia eta garrantzia, hausnartzea sakon batera eraman behar gintuen.

Proposatzen ziren erabilera ezberdinak kultur ekipamendu anitz bat osatzen zuten. Kongresu aretoa,
ikerketa gelak, erakusketa-aretoa eta baita bertan arituko zirenentzako aldi baterako apartamentuak edo
hotela esate baterako.

Orubeak hiri zaharraren aztarnak ditu, sotoetan aurkitu daitezkeen upeltegi (cave) ezberdinak
mantendu beharreko ondare bezala aurreikusten ziren, eta proiektuan barne landu beharrekoak.

Proiektu hau lantzeko orduan, eremuak oso baldintza gogorrak jartzen zituela jabetu nintzen, eta nolabait, baldintza horietatik eratorritako proiektua egin behar zela ikusi nuen. Hona hemen proposamena: